Etne Jeger og Fiske Forening - Endring i fiskereglar

Endring i fiskereglar

torsdag 23. juli 2009

Av Jan A. Vinje Denne e-postadressen er beskyttet mot programmer som samler e-postadresser, du må slå på Javascript for å kunne se den.

På bakgrunn av midtsesongevaluering av Etnevassdraget har Etne Elveigarlag den 22.07.09 vedtatt endringar i fiskereglane for sesongen 2009 !

Eit svært lågt fangstresultat hittil i år tyder på monaleg mindre oppgang av fisk enn tidlegare år og krev tiltak for å sikre tilstrekkeleg gytebestand. I samsvar med godkjent driftsplan og i samsvar med Fylkesmannen sin fiskeriforvaltar (A. Kambestad) gjere styret fylgjande vedtak:

"Med verknad frå 1. august 2009 - og for resten av fiskesesongen - vert fiskereglane endra slik at det berre kan fiskast ein fiske pr. stang pr. sone. Hofisk skal setjast ut att i elva. Unntaket er å fylle kvoten av hofisk til Guddalsprosjektet.

Utviklinga dei næraste vekene vil vera avgjerande for om det må setjast inn ytterlegare tiltak som t.d. stenging av elva for resten av sesongen. Det vil også bli vurdert stopp i fiske ved ekstrem låg vassføring. Tilsynet må også skjerpast."

Det vil bli halde medlemsmøte/e.o. årsmøte i Etne elveigarlag før evt. stenging av nordelva og hovudelva den 1. september. Sørelva gjorde vedtak i fjor om stenging 1. september.

Behovet for antal fiske til Guddalsprosjektet er 5-10 han- og hufisk. Les meir om Guddalsprosjektet her.